أهلا وسهلا بكم في مجلة موقع الكفرون

نتمنى أن نصل كل بعيد بقريب

 

 

الرئيسية arrow شعر وزجل arrow سعاد روفائيل
سعاد روفائيل طباعة ارسال لصديق
كتب فادي قشوع   

يا كفرون الغربيي

 

يا كفرون الغربيي               ريحتكي مسك وعنبر

بجبل السيدة محميي               هلي بتأمو الزوار

ضيعتنا مبنيي بوادي               حواليها سلسلة جبال

القوادي والعوادي               بمحاسنها بتتغزل

من بكير العيادي               ببساتينا بتتجول

بالليل البدر الهادي               بيزيدها هيبي ووقار

يا كفرون الغربيي ريحتكي مسك وعنبر

 

ضيعتنا مقسومي شطرين               بوسطها سكي عمومية

السيارات على الجنبين               بتلاقيها ماشية

لو تسمع بياع التين               م يتسلى بغنيي

بيسلي قلب الحزين               ورا حمارو بيتمختر

يا كفرون الغربيي ريحتكي مسك وعنبر

 

ما أحلاها بفصل الصيف               وعيني ماحلى سكنتها

وقتا شو بيجيك الكيف               لما بتنضج ثمرتها

مكرم عندا أهل الضيف               كتير رخيصة لقمتها

مدن الله كلا بعيف               ولا ببدلها بالفوار

يا كفرون الغربيي ريحتكي مسك وعنبر

 

الراعي من بعد الغروب               بيوقى جايي متلكش

حامل بجيابو خرنوب               وحزمة حطب مقنقش

ع نفخة ماصولو بيدوب               القلب وبيصير منعنش

يخرب زوقو هل الملعون               البسط عندو مالو عيار

يا كفرون الغربيي ريحتكي مسك وعنبر

 

بالليل بضو القمرة               الصبايا بتسرح ع الكوع

الشباب لوحدون زمرة               بيوقو ماشيين طلوع

بيجيبو شوية شمرة               وخس مورق كلو ضلوع

بيرجعو يكفو السهرة               بوسط زريعة الخيار

يا كفرون الغربيي ريحتكي مسك وعنبر

 

يوم الحد ويوم العيد               بيوقا ما عندون شغلي

بيلبسو توبون الجديد               وبيجمعو شوية عملي

بيشترو فستق عبيد               ومربا وراحة وتطلي

وبيروحو ع نبع بعيد               بيعملو هونيك مشوار

يا كفرون الغربيي ريحتكي مسك وعنبر

 

بيتشلطحو ع الأعشاب               ت يرتاحولون شوي

بيغنو ميجانا وعتاب               وبيكسرو ع المولي

بعدين بيوقفو الشباب               بينصبو دبكي بألفي

بتحط الشمس عالغياب               ولا بيسكت صوت المزمار

يا كفرون الغربيي ريحتكي مسك وعنبر

 

*****

 

ورد الشاعر سليمان العيسى قائلا

إلى شاعرة الكفرون الأخضر الزميلة سعاد مع إهداء أحدث مجموعاتي الشعرية

تلال تلال      عيون عيون

أخضر أخضر          كلو فتون

كيف ما بتمشي          مي وفي

ما عرفتا         هيدي الكفرون

 
< السابق   التالى >

© 2020 الكفرون
Joomla! is Free Software released under the GNU/GPL License.