|
|
|
كتب فادي قشوع
|
|
(تحية الى وادي الكفرون)
يالمــــتدوّر عالجـــــــــنّة...... شرّف زور وادي الكفرون
مأكّــــــــد رح بتطمنّي ......تقللي الجنة لقيتا هـــــون
***********
تمشّى بوادي الكــــفرون ..... تفرج عاضياعو الحلويــن
تنزه دوّر هـون وهــون .....تمتـــع بســـحر التكــــويـن
راح تطلع منو مفتـــون .... ويمكن قول اكتر تخــــمين
وراح يبقى قلبك مرهون....وبدك ترجع توفي الـديــــن
***********
طلعلي على جبل السيدة ...... وتلفّت منّو حواليــــــــك
بتلاقي دنـــيا جــديــــدة....... ما بتشبع منها عينــــــيك بتشوف وادي العديـــدة ...... بصرصر وبصدقين تحكيك
ومن بشرائيل تنهيـــد ة .....الملّوعة بترحــــب فيـــــــك
وايدك بتحــــــطا بايدي ....والضوّايات تنـــــــــــــاديك
بانوراما سعـــــــــــيدة .....بتلاقـــــــــيها بين ايديــــــك
************
المشتى وعيون الوادي .....بقرعوني ووادي الكفرون
لمهيري وجــوّا الهادي ....بساتينا الميـــــة لون بلون
لحكورة عم بتــــــنادي ....جنين ومدبت جوز عيـون
وبالحفة الطير الشـادي .... وببقطو كروم الزيـــــتون
من بيت بدرة الـزوادي ....وبالنبع يغّني الحســــــــون
وبالوادي ترد الـــوادي ....تقول تفضّل نحنا هــــــون
وتحلا السهرة بزيــادي .... لمّا بمطاعمــها تكــــون
قطعة حلـــوة من بلادي .... فيها تجلّى سحر الكــون
***********
وحتى تكتمل الــــدورة .... والنزهة تحلـــى وتحـلى
والصورة تحاكي الصورة .....والصـــورة يكمل شكـــــلا
تنقّل من كورة لكـورة ..... وعربش بتــــلالا تعـــلاّ
جويخات وطرازبتزورا ......وبتزور لبطار وأهـــــلا
طبيعة تغنّي طيـــورا ......ترفرف فوقك عا مـــهلا
دنيا بيشعــشع نورا .... وبيقلّك اهــــلا وسـهلا
المهيري / تشرين الثاني / 2005
|
|
