أول وأخر ليلة تشرينية

طباعة

 

نجمة بيت لحم هذه السنة حزينة

لانا سداسية ولانا خماسية

ولن تكمل رحلتها الاعتيادية

ستتوقف فوق دمشق بصورة إستثنائية

فوق مدينة الياسمين والزهور الروحانية

فوق مدينة الحب والرجاء بالأبدية

فوق مدينة الأمل وسيدة الصوفانية

فوق مدينة السلام تانية الأورشاليمية


العدرا الحامل من البشارة الجبرائيلية

تغادر شمالاً برفقة زوجها وبإيدها الزهرة اليوسفية

لن تذهب إلى بيت لحم الداوودية

ستشد الرحال إلى دمشق القديمة ما قبل التوراتية

بعد شهر سيكون لنا مخلص من الخطيية الأصلية


بأول ليلة تشرينية

نور نجمة سحرية

كتبت بسما فارس خبرية

للمجوس للرعاة وللرعية

بإتجاه الغرب بلشت الرحلة الملحمية

قطع المجوس الغابات والجبال والأنهار القوية

دجلة والفرات وعبروا الصحرى التدمرية

بي معلولة وصيدنايا ناموا أخر ليلة بالبرية

ودعوا الرب ليحافظ عاللغة الآرامية

تاني يوم دخلوا الشام من البوابة الشرقية

دمعت عيونن عند الكنيسة المريمية

لما سمعوا تراتيل الميلاد باللهجة السريانية

بالكنيسة المارونية سألوا عن العلامات السرية

أسم الطفل عا أسم جدو يا كاهن الرعية

جد الطفل قاد الحركة التصحيحية

بي الطفل دكتور إختصاصو عينية

إم الطفل سيدة بهية متل الوردة الجورية

بتحمر خدودة بأخر ليلة تشرينية

كاهن الرعية قال للمجوس بالفارسية

ملك الملوك بمقر رئاسة الجمهورية

يسوع الطفل ببيت أسمى الأسدية


كاهن الرعية أخد المجوس بالحارات الشامية

باب الحارة وليالي الصالحية

باب توما و معركة القادسية

الجامع الأموي والسيدة زينب الحسينية

حي الميدان واحتجاجاتو متل أيام الجاهلية


الشيخ البوطي شيخ العلوم الشرعية

والدكتور حسون مفتي الإسلام والمسيحية

رافقونا بالطلعة عا رئاسة الجمهورية

عا جبل قاسيون بليلة صافية نجومة فضية

الوردة الجورية رفعت إبنة رمز يسوع فادي الإنسانية

تحتا قناديل الشام بالكنايس والمساجد متل سما أرضية

ودعت ربا بكل صفاء نية

يا رب نجني من ظلم الإعلام وقناة الجزيرة القطرية

يا رب رح ضحي بابني متل إبراهيم الخليل بالديانة اليهودية

يا رب أنا وزوجي مش متل هيرودس شر البرية

يا رب أنا عندي أطفال مش قاتلة الطفولة السورية

يا رب ساعدني كون قدوة حسنة بكل بيت لكل أم وطنية


فاستجاب لها الرب وقلها يا بنتي الراضية المرضية

رح ردد أخر كلمات من دعائك جملة جوهرية


قناة الجزيرة القطرية

اليهودية

شر البرية

قاتلة الطفولة السورية

بكل بيت لكل أم وطنية


هيدي كانت تاني مرة بيكلم الرب سيدة نبية

بعد ما كلم موسى بسينا عالقمة الجبلية


أنا كاهن الرعية

أنا إرتكبت الخطيية

الخطية الأصلية

الخطية السورية

خطيتي أني سوري

خطيتي أني حبيت من بنا سورية

خطيتي أني حبيت من سيتابع بناء سورية

مين القادر يغفر لي خطيتي

بعد الخوري بولص سعادة وعيسى الفرعون

أنا أخر الرهبان من الرهبنة الفرعونية


د: ميشال الياس

23\11\2011