أهلا وسهلا بكم في مجلة موقع الكفرون

نتمنى أن نصل كل بعيد بقريب

 

 

الرئيسية arrow أخبار arrow (( و تمضي سنوات العمر )) بقلم جرجس وديع الموراني
(( و تمضي سنوات العمر )) بقلم جرجس وديع الموراني طباعة ارسال لصديق
كتب فادي حنا   

راس السنة والناس سهرانين

 

والكوس فوق الروس مرفوعة


كاسك يدقو الكاس فرحانين


وأصوات دق الكاس مسموعة


مدري ع كتر الفرح سكرانين


مدري من الخمرة الممنوعة


وتضحك الخمرة ويضحكو الحلوين


ويتساءلو أيمت رح منوعا

 


(2)


راس السنة هلق علينا يطل


والكوس فوق الروس مرفوعا


كاسك: سنة جديدة عليك تحل


دعوة وفا من الكل مسموعا


الليلة الفرح ملا قلوب الكل


ومن فرحتا سكرت الدلوعة


وصارت بعينيها عليك تدل


خليك شاطر قبل ما توعا

 


(3)


الإيدين تلوي والخصور تميل


والشعر فوق الجيد مرجوحة


وعيون سودا بتحسبا قناديل


وخدود دورة قمر ملفوحة


بنيات تضحك تكرج تهاليل


وشباب معها تقول رندوحة


مدري غني مدري حلا وترتيل


مدري سوا وآهات مجروحة

 


(4)


طال السهر كاسات عم بتدور


وعيون متلا تدور فرحانة


من فرحتا راحت الكل تزور


ترقص معن وترندح غناني


يا عيون حلوة شع منها النور


ويا روس هدا الخمر سكرانة


اتركني أنا مع هالسنة مسرور


تا يروح عام ويرجع التاني

 


(5)


خلص السهر قومو يا سكرانين


من حب صافي وخمرة العشاق


الكاسات بالإيدين فرغانين


والروس متلا ضيعا الترياق


طل الصباح ونجمتو تخمين


ما تقول: الكن هالصبح مشتاق


صرنا بسنة جديدة مع كوانين


قومو نسبح ربنا الخلاق

 


(6)


منفرح براس السنة بعام جديد


وما منفتكر انو العمر ماضي


مننطر يجي اللي كان عنا بعيد


مننسى ورا هالتل فيه وادي


منعمل فرح وشموع وزغاريد


منشرب تايحلى الفرح بزيادة


مننسى ما نحسب من بعد هالعيد


شو عندنا غصات منعادة

 


(7)


يا سنة راحت من عمرمحدود


ويا سنة جاية بعدها جديدة


قديش عالجاية أمل معقود


وشو بذكر الراحت بتنهيدة


قديش بالراحت خسرت وعود


وشو محمل الجايي مواعيدي


ناطر تجي وناطر عليي تعود


وعمري أمانة حاملا بإيدي


*****


وكل عام وأنتم بخير


--المهيري -- رأس السنه\ 2010


جرجس وديع الموراني

 
< السابق   التالى >

© 2020 الكفرون
Joomla! is Free Software released under the GNU/GPL License.