أهلا وسهلا بكم في مجلة موقع الكفرون

نتمنى أن نصل كل بعيد بقريب

 

 

الرئيسية arrow شعر وزجل arrow آلآم بغداد وغزّه
آلآم بغداد وغزّه طباعة ارسال لصديق
كتب فادي قشوع   
على دلعونا وعلى دلعونا
علوّا يا عالم لو تسمعونا
**
بغداد وغزّه قصّه حزينه
دم من عيوني دمع تبكيني
بغداد مسكينه وغزّه مسكينه
وللعالم همن بدّن يشكونا
**
بغداد الحرّه بالصوت تنادي
النجده يا عرب راحت بلآدي
تعو طفّو عنا نار الأعادي
نار الأعادي جهنم وجنونا
**
غزّة الجريحه تنادي العروبه
أرضي يا عرب صارت مسلوبي
تدمّر شمالي وقلبي وجنوبي
وان ما استعجلتو ما بتلحقونا
**
قتلو شبابي وقتلو أطفالي
وقتلولي شيوخي وتعتر حالي
وحرقولي أرضي وما ضل الغالي
بيوتي على اهلا ما يهدمونا
**
ضربونا جو وبحر وبراري
ركبو الأباتشي هالوحش الضاري
زتّو القنابل عنقود فوسفوري
الأسرى المسكوها ما يذبحونا
* *
ضربو الجوامع ضربو الكنائس
وهيئات الأمم ،وضربو المدارس
حرقو المشافي ، الأخضر واليابس
ضربو المقابر ، ما يفرّقونا
**
الوحش الأميركي والاسرائيلي
للانسانيّه ما ربحو جميلي
للرحمه بقلبن ما لتقى ميلي
بلا شفقه علينا عم يضربونا
**
بأي شريعه وبأيا ديانه
وبأيا قانون وحقوق منصانه
داسو الشريعه وداسو الأمانه
وداسو الضمير وما يدوّسونا
**
سمعت الصوت وردّت سوريا
معكن بفلبا وروحا وايديا
العروبه بروحا ودمّا بتفديّا
العروبه مبدأ وين ما بتكونا
**
جروحك بغداد بضمّا بأشواقي
والدم الأحمر لونلي وراقي
عمري اللي عشتو والعمر الباقي
على مذبح حبك عمري مرهونا
**
وصارت أحداثك غزّه منعاشي
بيتحدّث فيها القاعد والماشي
مغلفها الحزن بدال البشاشي
وهزّت آلآمك كل المسكونا
**
جامعة الدول اهلا ما اجتمعو
وأصوات الرحمه ما بظني سمعو
عيون الأحرار اللي عليكن دمعو
عطيوها محارم تا تغطّي عيونا
**
قواد العرب عنكن مشغولي
بكاسات الوسكي وصحن التبّولي
قولي يا بغداد شو بدّك قولي
وقولي يا غزّه العرب مو هونا
**
مجلس الأمن جمّد جلساتو
وما هيدي أول مرّه بحياتو
وللشعب الكتّر نوحو وآها تو
طلّعلو قرار مانو مضمونا
**
قرار الطلع مالو افاده
وعا هيدي الصيغه العرب معتاده
نادي لربّك من عندك نادي
يللي خلقتونا لا تتركونا
**
من فلبي بحيّ صمودك يا غزّه
وبحيّ النخوه ، وبحيّ العزه
وبا للي استشهدو من الأهل بعزّي
بقلّن بالجنّه الشهدا يكونونا
**
بغداد بقلبي نارك شعّالي
ومليون تحيّه للشعب الغالي
بفديك بقلبي , بروحي ،وبمالي
وبطلب من الله يعطيك العونا
**
بحيّي المقاوم والفدائبّه
المايضحّي بدمّو بدرب الحريّه
وبعطيهن عمري وحياتي هديّه
ربّي ينصرهم تا ينصرونا
**
وعاش كل مقاوم .... وكل فدائي
المهيري .. اليوم السادس عشر من حرب الاباده في غزّه
المصادف / 11 / 1 / 2009
جرجس وديع الموراني
 
< السابق   التالى >

© 2020 الكفرون
Joomla! is Free Software released under the GNU/GPL License.